زيت الثوم

• تحفيز نمو الشعر

زيت الثوم غني بمركبات فعّالة زي الأليسين، واللي ليها قدرة على تنشيط بصيلات الشعر الخاملة وتحسين تدفق الدم للفروة. ومع الانتظام في الاستخدام، بيساعد على تقوية الشعر الضعيف، وزيادة فرص نمو شعر جديد في المناطق اللي فيها فراغات. كمان وجود المعادن والفيتامينات فيه بيساهم في تحسين ملمس الشعر وكثافته بشكل تدريجي.

• تطهير فروة الرأس والقضاء على القشرة

زيت الثوم ليه خصائص مضادة للبكتيريا والفطريات، وده بيساعد على تنظيف فروة الرأس وتقليل تراكم الفطريات اللي بتسبب القشرة وبتضعف الشعر. كمان قدرته على التطهير بتقلل الحكة والقشرة، وبتخلق بيئة صحية بتساعد على نمو الشعر بشكل أفضل مع الوقت.

• تقوية الشعر

غني بالكبريت (Sulfur) وفيتامين E و C اللي بيساعدوا على بناء الشعر من الداخل، فيخليه أقوى، وأقل تقصفًا، وأكثر لمعانًا.

زيت الثوم زيت عطري مركز، والأفضل تمزجيه مع زيت ناقل زي (زيت الخروع أو جوز الهند) قبل استخدامه على فروة الرأس.

النسبة المثالية للتخفيف:
نسبة الزيت الناقل ضعف نسبة زيت الثوم.

طريقة الاستخدام:
دفي خليط الزيت شوية.
قومي بتدليك فروة الرأس بحركات دائرية لمدة 5 إلى 10 دقائق.
قومي بتغطية شعرك لمدة نصف ساعة إلى ساعة.
قومي بغسل الشعر كويس بالشامبو لتجنب أي بقايا.

حل مشكلة الرائحة
رائحة زيت الثوم عادةً بتكون مصدر قلق أثناء الاستخدام، عشان كده هقولك بعض الحلول اللي تخليكي تستخدميه من غير قلق

بعض الحلول:
اعملي شطف نهائي بالقهوة المخففة أو خل التفاح بعد الغسيل، ده بيخفي أثر أي رائحة متبقية.
ممكن تضيفي زيوت عطريّة بعد استخدام زيت الثوم، زي زيت اللافندر أو الورد لإضافة ريحة لطيفة للشعر.